2025-2026 оқу жылының 19 қыркүйек  колледжімізде жас мамандар мен тәжірибелі тәлімгерлерге арналған мазмұнды семинар-тренинг өткізілді. Іс-шараның мақсаты — жас педагогтарды қолдау, кәсіби шеберлігін арттыру және тәжірибелі тәлімгерлермен байланысын нығайту болды.

Семинардың ашылуында колледж директоры құттықтау сөз сөйлеп, жас мамандарға ізгі тілегін білдіріп, бағыт-бағдар берді. Білім беру саласындағы маңызды ұстанымдар мен мұғалімнің рөлі туралы мазмұнды ойларымен бөлісті.

Семинар-тренингті ұйымдастырушылар:

Колледж әдіскері мен Педагог-психолог

Олар бірлесіп, мазмұнды бағдарлама құрып, жас мамандар мен тәлімгерлер үшін қызықты әрі пайдалы іс-шара өткізуге атсалысты.

Шара аясында:

▪️ Кәсіби тәжірибе мен қиындықтар талқыланып, ситуациялық сұрақтар шешілді

▪️ Жас мамандар мен тәлімгерлер бірлесіп топтық жұмыс, ойталқы, талдау тапсырмаларын орындады

▪️ Бірнеше нақты жағдаяттар бойынша шешім жолдары ұсынылды

▪️ Тәжірибелі ұстаздар өз ақыл-кеңестерімен бөлісіп, қолдау мен жігер берді

Қатысушылар бір-бірінен үйреніп, кәсіби дамуға жаңа серпін алды. Семинар-тренинг ынтымақтастық пен тәжірибе алмасудың құнды алаңына айналды.

Осындай мазмұнды кездесулер — білім сапасын арттыру мен ұстаздар қауымының өзара байланысын нығайтуға жол ашады!